धुलिखेल, २३ चैतः काभ्रेको धुलिखेल अस्पतालमा कोभिड १९ कोरोना भाईरसको आईतबारबाट परीक्षण शुरु भएको छ । आजबाट शुरु गरिएको परीक्षण हरेक हप्ताको दुईपटक आईतबार र बुधबार मात्रै परीक्षण गरिने स्वास्थ्य कार्यालय काभ्रेका प्रमुख डाक्टर नरेन्द्रकुरमार झाले बताए । आज ११ जनाको परिक्षण गरिएको छ । विदेशबाट आएको परीक्षण गरिएको डाक्टर झाले बताए ।

धुलिखेल अस्पतालको आइसोलेसनमा ६ जना रहेका छन् । उहाँका अनुसार दैनिक ९० जनासम्मको परीक्षण गर्न सकिने गरी प्रयोगशाला स्थापना गरिएको हो । धुलिखेल अस्पतालका प्रवक्ता डाक्टर सुमन ताम्राकारले अस्पतालमा कोरोना परीक्षणका लागि सबै तयारी पुरा भएको बताए ।

प्रवक्ता ताम्राकारका अनुसार प्रर्याप्त परीक्षण किट र डाक्टरहरुका लागि पिपिई आइसकेपछि दैनिक रुपमै कोरोना परीक्षण गर्न सकिन्छ । जिल्लामा १३ वटा आइसोलेसन शैया रहेको छ ।