२०८१, ३ चैत्र सोमबार

पनौती नगरपालिकाको उदाहरणीय काम ‘सबै वडाका अतिविपन्नलाई राहत’

पनौती नगरपालिकाको उदाहरणीय काम ‘सबै वडाका अतिविपन्नलाई राहत’


धुलिखेल, २२ चैतः काभ्रेको पनौती नगरपालिकाले स्थानीय सरकारको असल अभ्यासको थालिने गरेको छ । नगरपालिकाले विश्वब्यापी फैलिएको कोरोना भाइरसको महामारीसँगै लकडाउनपछि उत्पन्न परिस्थितिका कारण मजदुर तथा अति विपन्न परिवारको पहिचान गरेको छ ।

बुधबार बसेको नगरस्तरीय विपद् ब्यवस्थापन समितिको आकस्मिक बैठकले हरेक वडाध्यक्षलाई आफ्नो वडाभित्र दैनिक ज्याला मजदुरी र विपन्न परिवारको तथ्याङ्क संकलन गर्न लगायो । नगरपालिका आफैले मापदण्ड बनायो । ४ जनासम्मका परिवार संख्या भएकालाई १० किलो, र ४ जनाभन्दा बढी सदस्य रहेको परिवारलाई १५ किलो चालमसहित १७ प्रकारका दैनिक उपभोग्य वस्तु उपलब्ध गराउने । सोहि निर्णय अनुसार नगरपालिका आफैले खरिद गरेर १ सय ३० जनालाई राहत उपलब्ध गराएको छ ।

शनिबार ७ नम्बर वडा बाहेक अन्य वडाहरुमा राहत सामग्री पुर्याएर वितरण गरिएको नगरपालिकाका बरिष्ठ प्रशासकीय अधिकृत इन्द्रप्रसाद अधिकारीले जानकारी दिए । जिल्लामा लकडाउनपछि आफैले खरिद गरेर विपन्न नागरिकलाई राहत दिने पनौती नगरपालिका नै पहिलो बनेको छ । नगरपालिकाले राहत सामग्री खरिदका लागि सार्वजनिक रुपमा दरबाउ नै आह्वान गरेर खरिद गरेको हो । ३ लाखभन्दा बढीको राहत सामग्री खरिद गरिएको बरिष्ठ प्रशासकीय अधिकृत अधिकारीले बताए ।

विपद्का बेला असाहय, बृद्धबृद्धा र विपन्न परिवारप्रति नगरपालिकाले गरेको काम अन्य स्थानीय तहहरुका लागि समेत उदाहरणीय बनेको छ । नगरपालिकामा निर्वाचित भएर आए देखिनै जनमुखि काम गर्दै आएका मेयर भिमप्रसाद न्यौपानेले यो विपद्का बेला अर्को जनमुखि काम गरेर स्थानीयको मन जितेका छन् । राहतमा एकद्वार प्रणाली लागु गर्न फूड बैंक सञ्चालनमा ल्याइएको छ । सहयोगीहरुले यहि बैंक मार्फत सहयोग उपलब्ध गराउँदै आएका छन् । फूड बैंक ब्यवस्थापनका लागि छुट्टै समिति बनाइएको छ ।

हरेक वडामा अत्याश्वक वस्तुको सहज आपूर्तिका लागि सम्बन्धित वडाध्यक्षको अध्यक्षतामा आपूर्ति समिति गठन गरिएको छ ।

प्रकाशित मिति : २०७६, २२ चैत्र शनिबार  ७ : ४१ बजे

आज मन्त्रिपरिषद बैठक बस्दै

काठमाडौं । प्रधानमन्त्री केपी शर्मा ओलीले मन्त्रिपरिषद् बैठक बोलाएका छन्

पत्रकारलाई परिचयपत्र वितरण गर्न प्रेस रजिष्टारको कार्यालय वाग्मतीद्वारा शिविर आयोजना 

रामेछाप । प्रेस रजिष्टार कार्यालय वाग्मती प्रदेशले रामेछापमा पत्रकारहरूको लागि

कला र साहित्यले विश्वव्यापी भाइचारालाई मजबुत बनाउँछ : पूर्वराष्ट्रपति

काठमाडौं । पूर्वराष्ट्रपति विद्यादेवी भण्डारीले कला र साहित्यले हाम्रा भगोलिक

देशको आर्थिक अवस्था सुखद छैन् गृहमन्त्री लेखक

काठमाडौं । गृहमन्त्री रमेश लेखकले पछिल्लो समय देशको आर्थिक अवस्था

साँखुमा स्कुल बस दुर्घटना : छ जनाकाे मृत्यु, ४० घाइते 

काठमाडौं: काठमाडौंको शंखरापुर नगरपालिका ५ स्थित साँखु–नगरकोट सडखण्डमा स्कुल बस