काठमाडौं २२ चैत विश्वका सबैजसो देशहरुलाई कोरोना भाईरसले सताईरहेको बेला उत्तर कोरियाले भने आफ्नो देशमा को*रोना भाइरसको एकजना पनि बिरामी नभेटिएको भन्दै उत्तर कोरियालाई कोरोनामुक्त देश घोषणा गरेको छ ।

विश्वमा झन्डै ११ लाख मानिस को*रोना भाइरसबाट संक्रमित भएका छन् भने ५९ हजारको मृ*त्यु भएसकेको छ । विश्वका प्रायः सबैजसो देशमा यसको संक्रमण फैलिइसकेको छ । यो अवस्था उत्तर कोरियाले भने आफ्नो देशमा भाइरस संक्रमित एकजना पनि नभेटिएको बताएको हो ।

उत्तर कोरियाको इपिडिमियोलोजी विभागका प्रमुख पाक म्योङ सुले समाचार संस्था एएफपीसँग महामारीको रोकथाम गर्न गरिएका प्रयासहरू पूर्णरुपमा सफल भएको बताएका छन् । उनले सीमा बन्द, विदेशबाट आउने सबैजनालाई अनिवार्य रुपमा क्वारेन्टाइनमा राख्ने, हरेक नागरिकको निगरानी गरेर राज्यले नै उपचार गर्नेजस्ता कार्यहरु गरेका कारण पनि यो महामारी फैलिन नपाएको बताएका छन् ।

उत्तर कोरियाले छिमेकी चीनमा गत जनवरीमा को*रोना भाइरसको प्रकोप बढेको समाचार आएपछि आफ्ना सबै सीमाहरु बन्द गरेको थियो । सीमा बन्द गरेर देशभित्र पनि यसबाट बच्ने उपायका बारेमा कडा कानूनहरु लागू गरेको बताइएको छ । एजेन्सी