धुलिखेल, २० फागुनः काभ्रे प्रहरीले बिहिबार पनि लकडाउन उल्लंघन गर्दै हिड्नेलाई पक्राउ गरेको छ । जिल्लाभर १०६ जनालाई नियन्त्रणमा लिएको जिल्ला प्रहरी कार्यालय धुलिखेलका डिएसपी कुमार विक्रम थापाले जानकारी दिए ।

सबै भन्दा बढी इलाका प्रहरी कार्यालय बनेपाले ७९ जनालाई नियन्त्रणमा लिएको छ । बनेपाबाट ५ वटा मोटरसाइकल नियन्त्रणमा लिएको इलाका प्रहरी कार्यालय बनेपाका प्रमुख योगेन्द्र तिमिल्सिनाले बताए ।

जिल्लाभर १२ वटा मोटरसाइकल कारबाहीमा परेका छन् । यसअघि मंगलबार जिल्लाभर १ सय ४९ जनालाई नियन्त्रणमा लिएको थियो । उक्त दिन प्रहरीले बनेपाबाट मात्रै १ सय २२ जना नियन्त्रणमा लिएको थियो ।

नियन्त्रणमा लिएको सबैलाई पोलिटेक्निकलको खेलमैदानमा लगेर लकडाउनका बेला ख्याल गर्नुपर्ने कुरा र कोरोना भाइरसबाट जोगिने उपायका बारे करिब ३ घण्टासम्म राखेर अब देखि अनावश्यक रुपमा हिड्डुल नगर्ने प्रतिबद्धता जनाएपछि छाडेको थियो ।