धुलिखेल, १९ चैतः बुडोल स्थित नेपाल रेडक्रस सोसाइटीको तालिम केन्द्रमा सञ्चालन गर्न गरिएको क्वारेन्टाइनका लागि जिल्लाका तीन अस्पतालले सहयोग गरेका छन् । बुधबार नेपाल रेडक्रस सोइटी काभ्रे मार्फत अपाङ बाल अस्पतालले ५ वटा बेड सहयोग गरेको छ ।

त्यस्तै बनेपाको शीर मेमोरियल अस्पतालले ४ वटा हाइड्रोलिक वेड सहयोग गरेको रेडक्रसका सभापति रघुबर चौ प्रधानले जानकारी दिए । यसैगरी भैसीपाटीमा रहेको स्पाइनल इन्जुरी अस्पताले एउटा वेड सहयोग गरेको छ । शीर मेमोरियलले सिरक, डस्ना, तन्ना सहितको वेड सहयोग गरेको हो । शीर मेमोरियल अस्पतालले कोरोनाको महामारी अवधिभर क्वारेन्टाइनमा राख्ने र त्यसपछि रेडक्रसलाई हस्तान्तरण गर्ने गरी एउटा एम्बुलेन्स समेत उपलब्ध गराएको छ ।

रेडक्रसको बुडोल तालिम केन्द्रमा ६५ वेडको क्वारेन्टाइन बनेपा नगरपालिकाले सञ्चालन गर्दैछ । क्वारेन्टाइनको ब्यवपकीय जिम्मा पाएको रेडक्रस काभ्रेले बाँकी वेडहरु भने तयार भइसकेको बताएको छ । ‘हामीलाई १० वटा वेड अपुग थियो, सभापति प्रधानले भने ‘त्यो पनि सहयोग प्राप्त भयो, अब क्वारेन्टाइनमा बस्नेका लागि खाना कहाँ बनाउने भन्ने ठाउँको ब्यवस्थाप गर्न मात्रै बाँकी छ ।’