धुलिखेल, ३ चैतः इलाका प्रहरी कार्यालय बनेपाले सचेतना मुलक कार्यक्रम सोमबार पनि जारी राखेको छ । समुदाय–प्रहरी साझेदारी कार्यक्रम अन्तर्गत निःशुल्क मास्क वितरण र स्वास्थ्य परीक्षण आइतबारबाट सुरु गरेको ईलाका प्रहरी कार्यालय बनेपाका प्रहरी निरिक्षक योगेन्द्र तिमल्सिनाले जानकारी दिए ।

प्रहरीले बनेपा नगरपालिका वडा नम्बर ७ चारदोबाटोमा हेल्प डेक्स स्थापना सर्वसाधरणको स्वास्थ्य परिक्षण र निःशुल्क मास्क वितरण गर्न थालेको हो । प्रहरीले दुई अस्पतालको सहयोगमा निःशुल्क सुगर र प्रेसर जाँच गर्ने गरेको छ । त्यस्तै कोरोना भाइरसबाट खोगिने पर्चा र पम्प्लेट पनि वितरण गर्ने गरेको प्रहरी निरिक्षक योगेन्द्र तिमल्सिनाले बताए । यसलाई अभियानकै रुपमा निरन्तरता दिने उनको भनाई छ ।

बनेपा हेल्थ केयर प्रा.लि. को संयुक्त सहकार्यमा स्थापना गरिएको स्वास्थ्य डेक्सको बागमती प्रदेश प्रहरी कार्यालय हेटौडाका निमित्त कार्यालय प्रमुख प्रहरी बरिष्ठ उपरीक्षक किशोर कुमार दाहाले अवलोकन गरेका छन् । इप्रका बनेपाका प्रमुख योगेन्द्र तिमल्सिनाका अनुसार आइतबार ५ सय थान मास्क वितरण गरिएको छ । त्यस्तै १८ सय जना सर्वसारधणको स्वास्थ्य परीक्षण गरिएको छ ।