धुलिखेल, २८ फागुनः काभ्रेको मण्डनदेउपुर नगरपालिका र महाभारत गाउँपालिकामा कोरोनाभाइरस (कोभिड–१९) का बारे अभिमुखिकरण कार्यक्रम गरिएको छ । बुधबार महाभारत गाउँपालिका र मण्डदेउपुर नगरपालिकाको स्वास्थ्य शाखाले गरेको कार्यक्रममा कोरोना भाइरसको नकारात्मक भ्रम फैलिएको भन्दै गाउँ गाउँमा चेतना मुलक कार्यक्रम सञ्चालन गर्ने पनि बताइएको छ ।

मण्डदेउपुर नगरपालिकाको स्वास्थ्य शाखाले दादुरा–रुबेला खोपलाई प्रभावकारी बनाउन ५९ वटै खोप केन्द्रलाई सक्रिय बनाउने निर्णय गरेको छ । बैठकले पालिकाभित्रका सबै स्वास्थ्य संस्थालाई खोप अभियान सफल बनाउन परिचालन गर्ने निर्णय गरेको हो ।

स्वास्थ्य शाखाले वडा नम्बर २ को बालुवा स्वास्थ्य चौकी र १२ नम्बर वडामा रहेको ज्याम्दी स्वास्थ्य चौकीलाई रेफ्रिजेनेरेटर प्रदान गरेको छ । शाखाले पालिका भित्रका सबै स्वाथ्य संस्थालाई कम्प्युटर र प्रिन्टर पनि प्रदान गरेको नगरपालिकाका प्रबक्ता डिल्लि प्रसाद आचार्यले जानकारी दिए ।