धुलिखेल, २० फागुनः रोशी गाउँपालिकाको वडा नम्बर ७ का स्थानीयहरुले स्वास्थ क्षेत्रको सेवा प्रभावकारी बनाउन सबै जुट्नुपर्ने बताएका छन् । मंगलबार कटुञ्जे स्वास्थ चौकिमा स्थानीय नागरिक र स्वास्थ कार्यालयका कर्मचारी बिच भएको समुदाय अंक पत्र कार्यक्रमका सहभागिहरुले यस्तो बताएका हुन् ।

स्वास्थ कार्यालयलाई प्रभावकारि बनाउन कर्मचारीको आचारण, कर्मचारीको उपस्थिति, औषधि उपलब्धता, सुरक्षित मातृत्व लगायत कुरामा ध्यान दिनुपर्नेमा सहभागिहरुले जोड दिएका थिए ।

त्यस्तै खोप सेवाको उपलब्धता, गाउँघर किल्निक, पोषण सेवा, परिवार नियोजन सेवा, स्वास्थ चौकि सरसफाई, खाने पानी उपलब्धता, स्वास्थ व्यवस्थापन समितिको बैठक, ओपिडि सेवा, विद्यालयमा स्वास्थ शिविर सञ्चालन हुनुपर्ने जस्तो कुराहरु सहभागिले बताएको सामुदायिक सारथीका जिल्ला संयोजक भेषबहादुर दनुवार जानकारी दिए ।