धुलिखेल, १७ फागुनः काभ्रेको चौरीदेउराली गाउँपालिकामा अध्यक्ष गोल्ड कप फुटबल प्रतियोगीता शनिबारबाट सुरु भएको छ । प्रतियोगिताको उद्घाटन पालिकाका अध्यक्ष दिननाथ गौतमले गरेका थिए ।

प्रतियोगीताको उद्घाटन खेलमा वडा नम्बर ५ र ९ बिच प्रतिस्पर्धा भएको थियो । प्रतिस्पर्धामा वडा नम्बर ५ ले वडा नम्बर ९ लाई ३–२ गोल अन्र्तरले हराएको छ । त्यस्तै वडा नम्बर ८ र १ बिच भएको खेलमा वडा नम्बर १ ले वडा नम्बर ८ लाई २–१ गोलले हराएको गाउँपालिकाका प्रवक्ता बिनोद घिसिङले जानकारी दिए ।

प्रतियोगीतामा पहिलो हुने टिमले ५० हजार नगद, ट्रफि, प्रमाण पत्र र मेडल पाउने छ । दोस्रो हुने टिमले २५ हजार र तेस्रो हुने टिमले १० हजार नगद पुरस्कारको ब्यबस्था गरिएको गाउँपालिकाले जनाएको छ ।

प्रतियोगीतामा ९ वटै वडाको एक–एक वटा टिम सहभागी भएका छन् । प्रतियोगीतको फाईनल खेल २० गते हुने प्रवक्ता घिसीङको भनाई छ ।