धुलिखेल, ६ फागुनः काभ्रेको पाँचखाल नगरपालिकामा राष्ट्रपति रनिङ शिल्ड एवं मेयर कप प्रतियोगिता सुरु भएको छ । मंगलबारबाट सुरु भएको प्रतियोगितामा नरगरभित्र रहेका २० सामुदायिक र नीजि मध्ये १९ वटा माध्यामिक विद्यालयका बालबालिका सहभागि छन् ।

प्रतियोगीतामा भलिबल, कवड्डी, यथलेटिक्स बिधाका खेल समावेश गरिएको स्रोत ब्यक्ति धन बहादुर बस्नेतले जानकारी दिए । उनका अनुसार कवड्डीमा छात्राको १२ र छात्रको १३ टिम सहभागि छ । भलिबल तर्फ भने छात्रा र छात्रको ८÷८ वटा टिमले सहभागिता जनाएका छन् । यथलेटिक्समा १९ वटै विद्यालयले भाग लिएका छन् । प्रतियोगिता बिहिबारसम्म चल्ने स्रोत ब्यक्ति बस्नेतले बताए ।

प्रतियोगिताको शुभारम्भ गर्दै नगर प्रमुख महेश खरेलले विद्यालय तहको खेलकुदलाई थप मजबुद बनाउन नगरपालिका लागि परेको भन्दै खेल क्षेत्रलाई बृहत्तर बनाउन आवश्यक रहेको बताए । मेयर खरेलले मानिस स्वस्थ हुनका लागि खेल अत्यन्त जरुरी भएजस्तै, विद्यालय उमेरका बालबालिकामा फुर्तिलोपन, जगार ल्याउन खेलकुदको निकै ठूलो भुमिका रहेको औल्याए ।