धुलिखेल, १ फागुन : सिन्धुपाल्चोक जिल्लाको जुगल गाउँपालिका वडा नम्बर ३ गुम्बामा फैलिएको रुघा, खोकी र ज्वरो निन्त्रयणमा आएको छ । बिहीबार गुम्बा सामुदायिक स्वास्थ्य इकाईमा बिरामी निकै कम आएको बताइएको छ ।

हिजोको तुलनामा बिहीबार बिरामी निकै कम उपचारका लागि आएको जिल्ला स्वास्थ्य कार्यालय सिन्धुपाल्चोकका प्रमुख दर्गा दत्त चापागाईले बताए । ‘आज हाम्रो स्वास्थ्य टोली घरघरमा पुगेर नयाँ विरामी खोज्ने र पुरानो विरामीको अवस्था बुझ्ने काम गरिरहेको छ, उनले भने ‘हिजोको तुलनामा स्वास्थ्य इकाईमा उपचार गर्न आउनेको संख्या ज्यादैँ न्यून छ ।’

काठमाण्डौबाट गुम्बा पुगेको विज्ञ टोलीले ९ जनाको नमुना संकलन गरेर फर्किएको छ । अबको एक÷दुई दिनभित्र नमुना परीक्षणको नतिजा आइसक्ने जिल्ला स्वास्थ्य कार्यालय सिन्धुपाल्चोकका प्रमुख दर्गा दत्त चापागाईले बताए । ‘९ जनाको नमुना संकलन गरेर विज्ञ टोली काठमाण्डौ फर्किसकेको छ, उनले भने ‘टोलीले सकेसम्म आजै प्रयोगशालामा नमुना परीक्षणका लागि पठाउने छ, अबको एक दुई दिनभित्रै नजिता थाहा पाइन्छ ।’