धुलिखेल, १४ माघः काभ्रे तेमाल गाउँपालिकाको वडा नम्बर ६ मा निःशुल्क आँखा शिविर सुरु भएको छ । मुटु फाउन्डेशन र मनोज एशोसिएसनको आर्थिक सहयोगमा मंगलबारबाट शिविर सञ्चालन गरिएको वडाध्यक्ष विकुलाल तामाङले जानकार दिए ।

ठुलो पर्सेल स्वाथ्य चौकीमा सञ्चालन भइरहेको शिविर बिहीबारसम्म चल्ने वडाध्यक्ष तामाङले बताए । शिविरको पहिलो दिन ७७ जनाले आँखा परीक्षण गराएका थिए । १७ जनाको मोतियाविन्दुको शल्यक्रिया गरिएको छ ।

शिविरमा ठुलो पर्सेलसँगै पालिकाको मेच्छेपौवा, चोपटार, चापाखोरी, नारायणस्थान पोखरी सहित वडा नं. १, २, ३ र ४ बाट निःशुल्क आँखा जाँच गर्न पुगेका छन् । वडाध्यक्ष तामाङले हिड्डुल गर्न नसक्ने, बालबालिका र बृद्धबृद्धा भएका ब्यक्तिलाई ध्यानमा राखेर शिविर सञ्चालन गरेको बताए ।