धुलिखेल, २९ पुस काभ्रे जिल्ला दुग्ध उत्पादक सहकारी संघ लिमिटेडको अध्यक्षमा नारायणप्रसाद बडाल चयन हुनुभएको छ । संघको ११ औं बार्षिक साधारणसभाले बडालको अध्यक्षतामा ९ सदस्यीय नयाँ जिल्ला कार्य समिति चयन गरेको हो ।

समितिको उपाध्यक्षमा लिला नेपाल र सदस्यहरुमा शिवप्रसाद ढकाल, दीपक ढोडारी, रत्नकुमार ठकुरी, शिवहरी लामिछाने, दीपक नेपाल र रविन्द्र बञ्जरा निर्बिरोध निर्बाचित भएका छन । जिल्ला सहकारी संघका सचिव दिलिप शर्मा निर्बाचन अधिकृत रहनु निर्वाचन समितिले लेखा सुपरिवेक्षण समितिको संयोजकमा रघुनाथ गौतम, सदस्यहरुमा देवीप्रसाद तिमल्सिना र माधव प्रसाद गौतम निर्बिरोध निर्बाचत गरेको हो ।

केन्द्रिय दुग्ध उत्पादक सहकारी संघ लिमिटेडका सचिव टिकाबल्दभ सापकोटाले जिल्लामा रहेका करिव ३ सय सहकारी संस्थाहरुलाई जिम्मेवारीपूर्वक अगाडि बढाउन नयाँ समितिले काम गर्ने बताए । जिल्ला सहकारी संघ लिमिटेडका अध्यक्ष विनोद पराजुलीले जिल्ला दुग्ध उत्पादक सहकारी संघमा आवद्ध रहेका ९२ वटा सहकारी संस्थाहरुलाई जिल्ला सहकारी संघ लि. मा आबद्ध हुन समेत आग्रह गरे ।