धुलिखेल, १९ पुसः सिन्धुपाल्चोकको विकट क्षेत्र जुगल गाउँपालिकाको बराम्चीमा रहेको रत्नराज्य माध्यमिक विद्यालयमा नयाँ भवन निर्माण पुरा भएको छ । चीन सरकारको करिब एक अर्ब रुपैयाँ लागतमा नयाँ भवन बनेको हो ।

अत्याधुनिक सुविधा सहितको भवन बनेपछि पढाईको स्तर समेत सुध्रने भन्दै विद्यार्थीहरु खुशी भएका छन् ।२०७२ सालको भूकम्पले पूर्णरुपमा क्षतिग्रस्त भएपछि विद्यार्थीहरुले ठूलो समस्या भोग्दै आएका थिए । नवनिर्मित विद्यालयमा एककिचेन, एक डाइनिङ र एक सुरक्षागार्ड गरी तीन साना भवन छन् ।

१८ शिक्षकको लागि बेग्लाबेग्लै र करिब ६ सय जना विद्यार्थी अट्ने होस्टेल एउटा भवनमा संचालन हुनेछ । अर्को एक भवनमा कक्षाकोठा मात्रै सञ्चालन गरिनेछ ।कार्यालय, शिक्षक कोठा, बैठक कोठा, पुस्तकालय, कम्प्युटर र विज्ञान प्रयोगशालाका लागि फरक फरक कोठा निर्माण गरिएको निर्माण कम्पनीले जनाएको छ ।