धुलिखेल, १९ पुसः काभ्रेको तेमाल गाउँपालिकामा अध्यक्ष कप फुटबल प्रतियोगिता हुने भएको छ । सोनाम ल्होछार पर्व र नेपाल भ्रमण वर्ष २०२० को अवसरमा प्रतियोगिता आयोजना गर्न लागिएको पालिकाका प्रवक्ता ज्ञान बहादुर लामाले जानकारी दिए ।

‘स्वथ्य जीवनका लागि खेलकुद, ब्यक्तित्व विकासका लागि खेलकुद, आन्तरिक पर्यटन प्रवद्र्धका लागि खेलकुद’ भन्ने मुल नाराका साथ माघ ३ गतेबाट सुरु हुने प्रतियोगिता ५ गते सकिनेछ । फुटबल प्रतियोगितामा प्रथम हुने टिमले ७५ हजार रुपैयाँ नगद, दोस्रोले ५० हजार र तेस्रो हुने टिमले २५ हजार रुपैयाँ पुरस्कार पाउनेछन ।

त्यस्तै उत्कृष्ट खेलाडी, धेरै गोल गर्ने खेलाडी र उत्कृष्ट किपरले पनि ५÷५ हजारका दरले पुरस्कार पाउनेछन । यहि पुस २९ गतेभित्र गाउँपालिकामा टिम दर्ता गरिसक्न सबै वडा कार्यालयलाई परिपत्र गरिसकेको प्रवक्ता लामाले बताए ।