धुलिखेल, १७ पुसः  काभ्रेको मण्डनदेउपुर नगरपालिका वडा नम्बर १२ ज्याम्दीमा रहेको बाग्देवी माविको बार्षिक उत्सव कार्यक्रम सकिएको छ । आज ६६ औँ बार्षिक उत्सव कार्यक्रमको उद्घाटन गर्दै नगरप्रमूख टोक बहादुर वाईबाले शैक्षिक गुणस्तर सुधारका लागि नगरपालिकाले कुनै कसर बाँकी नराख्ने बताए ।

विद्यालयलाई उत्कृष्ट बनाउन शिक्षण सिकाइ क्रियाकलाप पनि उत्कृष्ट नै हुनुपर्ने उनको भनाई छ । त्यसका लागि विद्यार्थी, अभिभावक, शिक्षक सबैले सक्दो योगदान गर्नुपर्ने नगरप्रमूख वाइबाले बताए ।

कार्यक्रममा प्रमुख प्रसासकिय अधिकृत प्रणनाथ न्यौपानेले नगरपालिकाले शिक्षा क्षेत्रमा लागानी बढाएको जानकारी दिए । जिल्ला समन्वय समितिका सदस्य प्रेम लामाले शिक्षाको बिकासका लागि आफुले गर्न सक्ने सहयोग गर्न तत्पर रहेको बताए ।

विद्यालायमा ३८१ जना बिद्यार्थी अध्यन गर्दै आइरहेका छन । बार्षिक उत्सवको अवसरमा वर्षभरि सञ्चालन गरिएको अतिरिक्त क्रियाकलापमा उत्कृष्ट हुने विद्यार्थीलाई सम्मान गरिएको छ । नगरपालिका भित्र ४० वटा विद्यालय रहेका छन् । कार्यक्रम विद्यालय ब्यवस्थापन समितिका अध्यक्ष राजिव कुमार पराजुलीको अध्यक्षता भएको थियो ।