धुलिखेल, ९ पुस काभ्रेको अति विकट महाभारत गाउँपलिका साक्षर गाउँपालिका घोषणा हुने भएको छ । विद्यालयका प्रधानाध्यापक, जनप्रतिनिधि, शिक्षक संघ संगठनका प्रतिनिधिसँग गाउँपालिकामा भएको छलफलले साक्षर पालिका घोषणाका लागि तयारी गर्ने निर्णय गरेको हो । पालिकाभित्र ४९ वटा विद्यालयहरु छन् ।

आगामी पुस २७ गते साक्षर घोषणा गर्ने तयारीमा जुटेको गाउँपालिकाका प्रवक्ता रविन मोक्तानले जानकारी दिए । बैठकले आधारभुत तहका सबै बिद्यालयमा नृत्य प्रतियोगीता गरिने, साक्षर नागरिक सम्बृद्ध महाभारत भन्ने विषयमा माध्यमीक विद्यालयहरुका बिच बक्तृत्वकला प्रतियोगीता गर्ने पनि निर्णय गरेको छ ।

बैठकले माध्यमिक विद्यालयहरुमा ई हाजीरीको समेत ब्यबस्था गर्ने निर्णय गरेको छ । ‘साक्षर पालिका घोषणाका लागि सरोकारवाला सबैलाई परिचालन गर्ने निर्णय भएको छ, प्रवक्ता मोक्तानले भने ‘यस अभियानमा सबैको एक्यबद्धता छ ।’