धुलिखेल २७ मंसिर काभ्रेको बेथानचोक गाउँपालिकामा पर्ने नारायणस्थानमा हिउँ पर्न सुरु भएको छ । गाउँपालिकाका प्रमूख प्रेम बहादुर तिमल्सिनाका अनुसार उच्च भागमा हिउँ पर्न थालेसँगै चिसो पनि अत्याधिक बढेको छ ।

उच्च भेगमा हिउँ र तल्लो भागमा पानी परेकाले किसानहरुलाई भने सिँचाईका लागि सजिलो भएको उनले बताए । उच्च हिमाली भेगमा हिउँ पर्न शुरुभएपछि कतै हिउँ खेल्नेको भिड लागेको छ भने कतै जनजीवन प्रभावित बनेको छ ।

त्यस्तै दोलखाको पर्यटकीय तथा धार्मिकस्थल कालिञ्चोक क्षेत्रमा पनि हिमपात सुरु भएको छ । कालिञ्चोकको कुरी क्षेत्रमा आज बिहानदेखि नै हिउँ परिरहेको हो । जसका कारण चिसो बढ्दा स्थानीयवासीको जनजीवन कष्टकर बनेको छ ।

चिसोका कारण पाँच वर्षमुनिका बालबालिकालाई नियोनिया हुन सक्ने भएकाले न्यानो पारेर राख्न र झोलिला खानेकुरा प्रशस्त खुवाउन चिकित्सकहरुले सुझाव दिएका छन् ।