धुलिखेल १९ मंसिर पनौती नगरपालिकाले महिला स्वास्थ्य स्वंयमसेवीकाहरुलाई सम्मान गरेको छ ।

बिहीबार अन्र्तराष्ट्रिय स्वंयम सेवक दिवसको अवसरमा नगरपालिकाले १० जना स्वंयमसेवीकालाई नगद एक हजार र प्रमाण पत्र सहित सम्मान गरेको हो । ‘नगरपालिकाले महिला स्वास्थ्य स्वयम सेविकाहरुको योगदानको कदर गर्दै सम्मान गरेको हो, नगरप्रमूख भिमप्रसाद न्यौपानेले भने ‘उहाँहरुको योगदानले आज समाजमा मातृशिशु मृत्युदर त निकै कम भएको छ नै, घर टोल छरछिमेकको सरसफाई देखि ब्यक्तिगत सरसफाईमा समेत आमुल परिवर्तन आएको छ ।’

नगरपालिकाले नगरभित्रका १२० जना स्वंयमसेवीकाहरु बीच हाजिर जवाफ प्रतियोगिता पनि गरेको छ । १२ वटै वडाको एक एक समुह बनाएर हाजिर जवाफ प्रतियोगीता गरिएको हो । प्रतियोगितामा पहिलो, दास्रो, तेस्रो र चौथो हुने समुहलाई नगद र प्रमाणपत्र पुरस्कार प्रदान गरिएको उपप्रमूख गीता बञ्जाराले बताइन । ‘महिला स्वास्थ्य स्वयमसेविकाहरुको क्षमता विकास गर्ने उद्देश्यले हाजिरी जवाफ प्रतियोगिता आयोजना गरिएको हो, उपप्रमूख बञ्जराले भनिन ‘उहाँहरु समाजको एक अभिन्न अंग बनिसक्नु भएको छ ।’