काठमाडौं, कात्तिक ७ : भारत सरकारले २४ करोड अनुदानमा बनाइदिएको धर्मशाला पशुपति क्षेत्र विकास कोषले ठेक्कामा दिएको छ। पशुपति क्षेत्रभित्र रहेको सो धर्मशाला अब तीनतारे होटेलका रुपमा सञ्चालन हुँदै छ। नेपालमा होटेलको अभाव भएर धर्मशाला बनेको होइन।

सर्वसाधारण तीर्थालु तथा पर्यटक सुलभ दरमा बस्न पाउन् भनेर धर्मशाला बनेको हो। तर, धर्मशाला नै होटेल बनेपछि महंगो पैसा तिर्न सक्नेले मात्र बस्न पाउने भएका छन्। बिमस्टेक सम्मेलनका बेला नेपाल आउँदा प्रधानमन्त्री नरेन्द्र मोदीले नेपालका प्रधानमन्त्री केपी शर्मा ओलीलाई धर्मशाला हस्तान्तरण गरेका थिए। तर, एक वर्षको सेरोफेरोमा पशुपति क्षेत्र विकास कोषले धर्मशाला १५ वर्षका लागि बतास समूहको होटेल आनन्दलाई दिएको खबर नयाँ पत्रिका दैनिकमा छ।

कोष र बताससमूहबीच धर्मशाला सम्झौा भएको छ। धर्मशालामा सुलभ दरमा तीर्थालु तथा पर्टटक बस्ने सुविधा थियो, अब महँगो शुल्क तिर्ने मात्र बस्न पाउनेछन्। होटल तीनतारे बन्दै छ। १९ रोपनी क्षेत्रफलको धमैशालामा तीन सय ८८ कोठा थिए, तर अब सबै भत्काएर जम्मा ८० वटा बिलासी कोठा बनाइएको छ।