काठमाडौं, ३ असोज :  संविधान दिवसका अवसरमा आज देशभर विभिन्न कार्यक्रम गरी मनाइएको छ । ०७२ असोज ३ गते आजकै दिन संविधान जारी भएको खुशीयालीमा देशभर विभिन्न रचनात्मक कार्यक्रम आयोजना गरी संविधान दिवस मनाएको हो ।

‘नेपालको संविधान, २०७२’ जारी भएको दिनको सम्झनामा हरेक वर्ष असोज ३ गते मनाइँदै आएको संविधान दिवसको दिनलाई नै सरकारले राष्ट्रिय दिवसको रुपमा समेत मनाउने निर्णय गरेको थियो ।

संविधान जारी भएपछि पनि भारतले नाकाबन्दी लगाउँदा देशको अर्थतन्त्र नै धराशायी हुन पुगेको थियो ।
यद्यपी, जनताका प्रतिनिधिले पहिलो पटक बनाएको संविधानमाथि चुनौती र विरोध पनि थपिँदै छन् । संसदभित्र र बाहिरबाट संविधानमाथि विभिन्न खाले प्रहार हुँदै आएका छन् ।

तस्विर रासस