काठमाडौं, भदौ २९ : संस्कृति, पर्यटन तथा नागरिक उड्डयनमन्त्री योगेश भट्टराईलाई शनिबार साँझ नेपालगञ्ज विमानस्थलमा केही युवाले जहाजभित्र गालीगलौज गरेका छन् । मन्त्री भट्टराईका कारण जहाज उड्न ढिलो भएको भन्दै उनीहरुले जहाजमा भित्र बसेका मन्त्री भट्टराईलाई गालीगलौज र हप्कीदप्की गरेका हुन् ।

मन्त्री भट्टराईलाई जहाजभित्रै गालिगलौज गरेको भिडियो राजावादी भनेर चिनिएका ज्ञानेन्द्र शाहीले आफ्नो फेसबुक मार्फत सार्वजनिक गरेका थिए । नेपालगञ्जबाट काठमाण्डौ उड्न लागेको जहाजलाई मन्त्रीले एक घण्टासम्म कुराएको भन्दै ज्ञानेन्द्र शाही समूहले गालीगलौज गरेको हो । ज्ञानेन्द्र शाहीले ‘मन्त्री योगेश भटराईलाई आज नेपालगञ्ज एअरपोर्टमा रामधुलाई गरियो’ भन्दै फेसबुकमा स्टाटस समेत लेखेका छन् ।

मन्त्री भट्टराईले भने आफ्नो कारण जहाज १५ मिनेट मात्रै ढिलो भएको भन्दै यात्रुलाई पर्न गएको असुविधाप्रति क्षमायाचना गरेका छन् । मन्त्री भट्टराईले सामाजिक सञ्जाल मार्फत माफी मागेका हुन् । मन्त्री भट्टराई शनिबार डल्फिन महोत्सवको उद्घाटन कार्यक्रममा सहभागि हुन कैलालीको धनगढी हुँदै टीकापुर गएका थिए । टीकापुरको कार्यक्रम सकेर शनिबार साँझ नै नेपालगञ्जबाट बुद्धएयरको अन्तिम फ्याइट मार्फत काठमाण्डौ फर्कने योजना थियो । तर टीकापुरको कार्यक्रम निर्धारित समयभन्दा ढिला सकिएपछि जहाज रोकिएको थियो ।

यस्तो छ उनको फेसबुक स्टाटस: