नेपालथोक, दुम्जा २४ भदौ : नेपालको प्रजातान्त्रिक आन्दोलन निष्ठावान नेता स्वर्गीय बीपी कोइरालाको १०६ औं जन्मजयन्तीको अवसर पारी देशका विभिन्न भागमा नेपाली कांग्रेसले विरुवा रोप्दै दोस्रो जगारण अभियाको शुरुवात आजबाट गरेको छ । विशेश्वरप्रसाद कोइरालाको पूख्र्यौली जिल्ला सिन्धुलीको दुधौली र कमलामाईमा नेपाली कंग्रेसका कार्यकर्ताले बृक्षारोपण गरेका छन् ।

त्यस्तै जागरण अभियान सञ्चालन गर्ने क्रममा काभ्रेमा पनि विभिन्न कार्यक्रमका साथ वृक्षरोपण गर्दै यो अभियान सञ्चालन भएको छ । काभ्रे कांग्रेसले विपि कोइरालाको १०६ औ जन्म दिबसको अवसरमा काभ्रे प्रदेश सभा १ को ख मा बृक्षारोपण गरेर अभियानको शुरुवात गरेको सभापति रमेश हुमागाईले बताए । उनका अनुसार धुलिखेल नगरपालिकाकको वडा नं. १२ शंखुपाटीचौरमा १ सय ६ वटा बिरुवा रोपेर जागरण अभियानको शुरुवात गरिएको छ । अभियानको शुभारम्भ पार्टीका केन्द्रीय सदस्य शिवप्रसाद हुमागाईंले विरुवा रोपेर गरेका थिए ।

उता सिन्धुलीमा भने नेपाली कांग्रेस सिन्धुलीका नवगठित क्षेत्रीय समितिको आयोजनामा बृक्षारोपण गरिएको थियो । सदरमुकाम सिन्धुलीमाढीस्थित सिन्धुली बहुमुखी क्याम्पसको हाताभित्र अशोक, गुलमोर, बेल र खमारी जातका १०६ वटा बिरुवा नेपाली कांग्रेस सिन्धुलीका अगुवाले रोपेका छन् । कमलामाईमा कांग्रेसको गाउँ जागरण अभियानका केन्द्रीय प्रतिनिधि तीर्थ पोखरेलको नेतृत्वमा बृक्षारोपण सम्पन्न भएको कांग्रेस सभापति उज्ज्वल बरालले जानकारी दिनुए । नेपाली कांग्रेसको दोस्रो चरणको गाउँ जागरण अभियानसँगै बृक्षारोपण गरिएको हो ।

त्यस्तै, दुधौलीमा केन्द्रिय प्रतिनिधि शान्ति परियारको नेतृत्वमा प्रावि बटाहा परिसरमा गुलमोर, अशोक, अमला र तेजपातका १०६ वटै विरुवा रोपिएका छन् । नेपाली कांग्रेसका पाका नेता एवं पूर्वमन्त्री विपिन कोइरालाले बीपीले लोकतन्त्र र राष्ट्रियताका सन्दर्भमा अगाडि सारेका विचार आज पनि उत्तिकै सान्दर्भिक भएको बताएका थिए ।

काभ्रेको प्रतिनिधि सभा क्षेत्र नं। १ मा पनि बृक्षरोपण गरेर जागरण अभियानको शुरुवात गरिएको छ । काभ्रे प्रतिनिधि सभा क्षेत्र नं.१ का सभापति तथा पूर्व सभासद तिर्थ लामाको उपस्थितिमा पार्टी कार्यालय परिसारमा बृक्षारोपण गरेर दोस्रो जागरण अभियानको शुरुवात गरेको हो ।