काठमाडौं, २२ भदौ : सत्तारुढ दल नेकपाकी सांसद नविना लामाले प्रतिनिधिसभामा प्रत्यक्ष निर्वाचित र समानुपातिक प्रणालीबाट निर्वाचित सांसदहरुका बीचमै विभेद गरिएको गुनासो गरेकी छन् । नेकपाबाट निर्वाचित समानुपातिक सांसद लामाले अर्थमन्त्रीबाटै यस्तो विभेद भएको बताएकी हुन् ।

प्रतिनिधिसभाको आइतबारको बैठकमा शून्य समयमा बोल्दै सांसद लामाले अर्थमन्त्रीबाटै समानुपातिक र प्रत्यक्ष निर्वाचित सांसदबीच विभेद भएको बताइन् । उनको प्रत्यक्ष निर्वाचित सांसदलाई निर्वाचन क्षेत्र पुर्वाधार विकास कार्यक्रममा हर्ताकर्ता बनाएको सन्दर्भमा निकाल्दै यस्तो बताएकी हुन् ।

विभेदलाई निरन्तरता दिंदै अब कार्यविधीमा पनि यस्तै आउछ कि ? नीति निर्माण तहमै विभेद भयो भने जनतामा कस्तो सन्देश जान्छ ? बिचार गरियोस् ।