काभ्रे, ३२ साउन : शनिबार नेपाल कम्युनिष्ट पार्टी निकट रहेका काभ्रेको निर्माण व्यवसायीहरुको एकता भेलालाई सम्बोधन गर्दै नेकपा काभ्रेकी अध्यक्ष रुकु चौंलागाई (रचना) ले काभ्रेमा पार्टी एकता विभिन्न गुट र उपगुटहरुका कारण अल्मलिएको बताएकी छिन् । जिल्लामा पार्टी एकताका लागि यस्ता गुट र उपगुटहरुको अन्त्य हुनुपर्ने उनको भनाई थियो ।

‘पार्टीभित्र अनेकन पार्टी बनेका छन् त्यसैले पार्टी एकता हुन सकेका छैन, उनले भनिन्, जिल्ला पार्टीमा पूर्व एमाले र पूर्व माओवादी नै बन्ने रहर जिल्ला नेताहरुले गरेको देखिएको छ ।’ यो मात्रै होइन, उनले भनिन्, ‘जिल्ला पार्टीका नेताहरु नै निर्वाचित जनप्रतिनिधी हुनुहन्छ । उहाँहरुले त्यसो भएकाले पनि समय दिन सकेका छैनन् ।’ अध्यक्ष रचनाले भनिन्, ‘सत्ता र पार्टीका बीचमा फराकिलो खाडल निर्माण हुँदै गएको छ, यस्तो हुनु दुखद अवस्था हो । पार्टी एकता हाम्रो पहिलो आबश्यलता हो ।’