काठमाडौं २८ साउन : संसद्को शुन्य समयमा बोल्दै प्रतिनिधिसभाकी सांसद् नवीना लामाले त्रिभुवन विश्वविद्यालय लगायतबम विश्वविद्यालय पदाधिकारी चयन गर्दा राजनीतिक भागवण्डा नगरी प्राज्ञिक व्यक्तित्वलाई नियुक्त गर्न सरकारको ध्यानाकर्षण गराएकी छिन् ।

राजनीतिक भागवण्डाले भन्दा पनि विधि र प्रक्रियाको आधारमा, खुल्ला प्रतिस्पर्धाको आधारमा विश्वविद्यालयका पदाधिकारी चयन गरियोस, उनले भनिन् (सक्षम निष्पक्ष र प्राज्ञिक व्यक्तित्वले विश्विद्यालयको गरिमालाई उच्च राख्नसक्ने व्यक्ति उपकुलपति र अन्य पदाधिकारी नियुक्त गरियोेस् ।’

अहिले आठ वटा विश्वविद्यालय नेतृत्वविहीन भएको बताउँदै उनले विश्व विद्यालयमा डरलाग्दो ढंगले मौलाएको विकृति र विसंगति अन्त्य गर्नसक्ने पदाधिकारी चयन गर्नु पर्नेमा जोड दिइन् । राजनीतिक भागवण्डामा हुने नियुक्तीले देशको गरिमामा नै आँच पु्र्याएको छ । यो देशको प्रतिष्ठासँग जोडिने कुरा हो ।

सांसद् लामाले ‘विश्व विद्यालयको परीक्षा, सम्बन्धन, शिक्षक कर्मचारी, समयमा स्ववियु निर्वाचा जस्ता विसंगति मौलाएको उनको धारणा थियो । विश्वविद्यालयहरुमा राजनीतिक भागबण्डा गरेर नियुक्ति गर्ने प्रथाले यतो हुने गरेको उनले बताएकी थिइन्