काठमाडौं १५ साउन : नवनियुक्त संस्कृति,पर्यटन तथा नागरिक उड्डयनमन्त्री योगेश भट्टराईले पद तथा गोपनीयताको सपथ लिएका छन् । राष्ट्रपति भवन शीतल निवासमा मंगलबार आयोजित सपथ समारोहमा उनले पद तथा गोपनीयताको सपथ लिएका हुन् ।

प्रधानमन्त्री केपी शर्मा ओलीले बुधवार नै संस्कृति, पर्यटन तथा नागरिक उड्ययनमन्त्रीमा भट्टराईलाई नियुक्त गरेका थिए । गत फागुनमा तत्कालीन संस्कृति, पर्यटन तथा नागरिक उड्डयनमन्त्री रवीन्द्र अधिकारीको हेलिकोप्टर दुर्घटनामा निधन भएपछि उक्त मन्त्रालयको जिम्मेवारी प्रधानमन्त्रीले नै सम्हालेका थिए ।

मन्त्री भट्टाराईले नेपाल एयरलाइन्सको गरिमालाई माथि उठाउने बताएका छन् । ‘अहिले नेपाल एयरलाइन्स प्रति जसरी प्रश्न उठेका छन् तिनको समाधानका लागि छलफल गर्नेछौं, र उठेका प्रश्न न्यूनीकरण गर्नेछौं,’ मन्त्री भट्टराईले भने, ‘एकदिन यस्तो बनाउँछौं, वाह १ नेपाल एयरलाइन्स भन्ने हुन्छ ।’