काठमाडौँ, २२ मङ्सिर : महिला, बालबालिका तथा जेष्ठ नागरिकमन्त्री थममाया थापाले कानूनी राज्यमा बालबालिकाको संरक्षण तथा संवद्र्धन गर्नु राज्यको दायित्व भएको बताउनुभएको छ ।
आज एसओएस बालग्राम नेपाल, प्लान इन्टरनेशनल नेपाल, सेभ द चिल्ड्रेन नेपाल तथा युनिसेफ नेपालले संयुक्त रुपमा भक्तपुरमा आयोजना गरेको ‘नेपालमा बालबालिकाको वैकल्पिक हेरचार’ विषयक दुईदिने राष्ट्रिय कार्यशाला गोष्ठीको उद्घाटन गर्दै मन्त्री थापाले बालबालिका मैत्री वातावरण सिर्जना गर्न सरकार प्रतिबद्ध रहेको बताउनुभयो ।
उहाँले समाजमा योग्य, दक्ष तथा क्षमतावान् व्यक्तित्व निर्माण गर्न बालबालिकाको क्षेत्रमा सम्पूर्ण सम्बन्धित सरोकारवाला निकाय तथा सङ्घसंस्थाहरु एक ढिक्का भई लाग्नुपर्नेमा जोड दिनुभयो ।
-रासस
प्रतिक्रिया