२०८३, ६ मंसिर आईतबार

लैङ्गिक विभेद् अन्त्यका लागि बेटी पढाउ, बेटी बचाउ अभियान

लैङ्गिक विभेद् अन्त्यका लागि बेटी पढाउ, बेटी बचाउ अभियान


जनकपुरधाम, १६ कात्तिक: दीनानाथ भगवती समाज कल्याण गुठीले धनुषा जिल्लाको विभिन्न क्षेत्रमा विशिष्ट योगदान पु¥याउने पाँच जना महिलालाई पुरस्कृत र चार जना सामाजिक अभियन्तालाई सम्मान गरेको छ । पुरस्कृत हुने महिलामा एसइइ परीक्षामा सामुदायिक विद्यालयतर्फ उत्कृष्ट छात्रा अञ्जली यादव, चेतनामूलक अभियानी शुभद्रा आले, कला, नृत्य र सङ्गीततर्फ सारथी लामा, पत्रकारितातर्फ नेहा झा तथा साहित्यतर्फ पुनम झा मैथिल रहेको छ ।

उत्कृष्ट छात्रा पुरस्कारको राशि रु २१ हजार तथा अन्य पुरस्कारको राशि जनही रु १५ हजार रहेको छ । त्यस्तै सम्मानित हुनेमा स्वच्छता अभियानी रामअशिष यादव, असहाय मञ्चका वैद्यनाथ साह, स्वर्गद्वारी अभियानी पवन सिंहानिया र अनाथ बालबालिका सेवी सत्यनारायण आलोक रहेको छ । सो अवसरमा प्रदेश नं २ का मुख्यमन्त्री लालबाबु राउतले शिक्षाप्रति समाजमा जागरण ल्याउनु जरुरी रहेको भन्दै छोरीमाथि विभेद् जारी रहेका कारण समाजको विकास हुन नसकेको बताउनुभयो ।

प्रदेश सरकार लैङ्गिक विभेद् अन्त्यका लागि बेटी पढाउ, बेटी बचाउ अभियान सञ्चालन गरेको उल्लेख गर्दै उहाँले समाज परिवर्तनका लागि स्वयंमा परिवर्तनको आवश्यकता रहेको बताउनुभयो । मुख्यमन्त्री राउतले छोरीको जन्म हुँदा रोदन, पश्चताप, पीडा बोध गर्ने रुढीवादी चिन्तनको अन्त्य गर्नु जरूरी छ भन्नुभयो ।

जनकपुरधाम उपमहानगरपालिकाका प्रमुख लालकिशोर साहले सामाजिक कार्यमा राजनीति गर्न नहुने धारणा व्यक्त गर्नुभयो । गुठीका अध्यक्ष भोलानाथ महतोको सभापतित्वमा सम्पन्न सो कार्यक्रममा गुठीका सचिव रामभरोस कापडिले गुठीले लिएको महिला सशक्तिकरणको उद्देश्य प्रदेश सरकारको बेटी पढाउ, बेटी बचाउ अभियानलाई सशक्त बनाउनमा टेवा पु¥याउने धारणा व्यक्त गर्नुभयो ।
-रासस

प्रकाशित मिति : २०७५, १६ कार्तिक शुक्रबार  ९ : ४७ बजे

नेपाली कांग्रेसको जिल्ला सभापतिमा दाहालको घोषणा

सिन्धुली । बिभाजनको डिलमा पुगेको नेपाली कांग्रेसको जिल्ला तथा प्रदेश

३५ सदस्यीय टोलीसहित प्रधानमन्त्री बालेन नयाँ दिल्लीमा, विमानस्थलमा स्वागत

काठमाडौं । प्रधानमन्त्री बालेन्द्र शाह ३५ सदस्यीय नेपाली प्रतिनिधिमण्डलको नेतृत्व

बालेनको भारत भ्रमणमा सीमा विवाद गायब, राष्ट्रिय सरोकारको मुद्दा एजेन्डाबाटै हटाइयो

काठमाडौं । प्रधानमन्त्री बालेन शाहको भारत भ्रमणमा नेपालको सार्वभौमिकता र

उपाधिपछि मुन्सेले भने– ‘यो जित सबैको मेहनतको प्रतिफल’, रोहितले भने– ‘आज हाम्रो दिन थिएन’

काठमाडौं । नेपाल प्रिमियर लिग (एनपीएल) को तेस्रो संस्करणको उपाधि

पुम्दीकोटबाट देखिएको मनमोहक हिमश्रृङ्खला (तस्बीरहरु)

पोखरा बजार नजिकैको पर्यटकीय गन्तव्य पुम्दीकोटबाट देखिने हिमशृङ्खलाको दृश्यले पर्यटकलाई