२०८३, २९ कार्तिक आईतबार

राष्ट्रकवि घिमिरे गीत पुरस्कारबाट बाँस्कोटा सम्मानित

राष्ट्रकवि घिमिरे गीत पुरस्कारबाट बाँस्कोटा सम्मानित


काठमाडौँ, १६ कात्तिक: राष्ट्रकवि माधव घिमिरे गीत पुरस्कारबाट वरिष्ठ सङ्गीतकार शम्भुजित बाँस्कोटा रु २० हजार र सम्मानपत्रसहित सम्मानित हुुनुभएको छ । महाकवि लक्ष्मीप्रसाद देवकोटाको ११० औं जन्मजयन्तीका अवसरमा अन्तर्राष्ट्रिय नेपाली साहित्य समाज (अनेसास) ले बाँस्कोटालाई सो सम्मान दिएको हो । सो पुरस्कारबाट प्रत्येक दुई वर्षमा गीतकार र सङ्गीतकारलाई सम्मान गरिँदै आएको अनेसास नेपालका केन्द्रीय अध्यक्ष राधेश्याम लेकालीले बताउनुभयो । “अनेसासको प्रमुख काम साहित्य र सङ्गीतका क्षेत्रमा योगदान पु¥याउने व्यक्तिलाई सम्मान गरेर उहाँहरुको हौसला बढाउनु नै हो”, लेकालीले भन्नुभयो । सङ्गीतकार बाँस्कोटाले देशविदेशमा छरिएर रहेका लेखक तथा गीतसङ्गीतमा योगदान पु¥याउने व्यक्तिलाई अनेसासले सम्मान गरेर उदाहरणीय काम गरेको बताउनुभयो ।

सो अवसरमा अनेसास विशिष्ट सम्मानबाट साहित्यकार चेतन कार्की र कवि तोया गुरूङलाई रु २० हजारसहित सम्मान गरिएको थियो । त्यस्तै ४० हजारसहित अनेसास उत्कृष्ट पुस्तक पुरस्कारबाट साहित्यकार पद्मावती सिंह सम्मानित हुनुभएको थियो । सोही पुरस्कारबाट साहित्यकार नगेन्द्रराज पौडेल, रामजी घिमिरे, शारदा सुवेदी र सागर मुखियालाई रु २०–२० हजारसहित सम्मान गरिएको थियो । त्यसैगरी अनेसास नवरत्न सम्मानबाट गीतकार उन्नति बोहरा शिला, गायिका हरिदेवी कोइराला, कवि लक्ष्मी माली, समाजसेवी मीना केसी र सम्पदा मल्ललाई रु २०÷२० हजारसहित सम्मान गरिएको थियो । सो अवसरमा छन्द कविता, गद्य कविता र गजलमा प्रथम हुनेलाई रु २३ हजार २०० सहित सम्मान गरिएको थियो । छन्द कवितातर्फ प्रथम हुने हीरा भट्ट, गद्य कवितातर्फ प्रथम हुने सुदर्शन पौडेल र गजलतर्फ प्रथम हुने पुरू लम्साल सम्मानित भए ।

सो अवसरमा अनेसासबारे प्रकाशन र प्रसारण गरेर सहयोग गर्ने अनेसास केन्द्रका पूर्वअध्यक्ष गीता खत्री, साँस्कृतिक कार्यक्रम संयोजक राजेन्द्र केसी तथा सञ्चारकर्मी किशोर पहाडी, श्याम रिमाल, अश्विनी कोइराला, निरज पाण्डे, मोहराज शर्मा, डब्बु क्षेत्री, फूलमान बल, ठाकुर बेलबासे, कृष्ण भुसाल, उमेश पाण्डे र बुद्धि विश्वकर्मालाई प्रशंसापत्र वितरण गरिएको थियो । त्यस्तै अष्ट्रेलियाको अन्तर्राष्ट्रिय सम्मेलनमा सहभागी भएर फर्कने सात जनालगायत अनेसासका आजीवन सदस्यलाई प्रमाणपत्र वितरण गरिएको थियो ।

प्रकाशित मिति : २०७५, १६ कार्तिक शुक्रबार  ६ : ४० बजे

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा

माछा व्यापारी र भन्सार कर्मचारी बीच सेटिङको चर्चा, पटक पटक पक्राउ परेकालाई जरिवानामा सहुलियत

वीरगञ्ज । वीरगञ्ज महानगरपालिका–१६ नगवामा रहेको सुरज फिस सप्लायर्सको माछा

चितवनमा उत्पादित सयपत्री र मखमली फूलको माला हङ्कङ निर्यात

चितवन । चितवनमा उत्पादित सयपत्री र मखमली फूल तथा माला