नेपाल कम्युनिष्ट पार्टीका बरिष्ठ नेता माधव कुमार नेपालले वर्तमान सरकार अलमलिरहेको बताएका छन् ।

काभ्रेको मण्डनदेउपुर नगरपालिकाको कुन्ताबेशीमा आइतबार नगर बस उद्घाटन कार्यक्रममा बोल्दै उनले कम्युनिष्ट सरकार यसरी अलमलिएर बस्दा जनता निराश हुन सक्ने भन्दै बेलैमा सचेत भएर अघि बढ्न सुझाए । ‘जनताले हामीलाई अलमलमा परोस भनेर मत दिएका होइन्, उनले भने ‘देशको मुहार फेर्ने बेला यहि हो । हामी अलमल गरेर बस्नु हुदैँन् ।’

नेकपाका बरिष्ठ नेता एवं पुर्ब प्रधानमन्त्री नेता नेपालले प्रदेश र संघ सरकारले के के गर्ने भन्ने विषय थप निक्र्यौल गरेर अघि बढ्न पनि सरकारले आग्रह गरे । ‘सरकारलाई स्पष्ट मत छ, त्यहि अनुसार काम गरेर जनताको मन जित्नु पर्छ, उनले भने ‘यो वा त्यो बहानामा काम नगर्ने छुट अब छैन् । ’

नेता नेपालले स्थानीय स्तरमा गर्न सकिने कामका लागि केन्द्रिय सरकारको मूख ताक्न नहुने बताए । ‘आफ्नो पालिकाका जनतालाई कसरी सहज बनाउन सकिन्छ भनेर संविधानले नै सबै अधिकार तपाईहरुलाई दिएको छ उनले भने ‘राम्रो काम गर्न ऐन, नियम र कानुन कुरेर बस्नु हुदैँन् ।’