काठमाडौँ, ८ असोज : दुर्वै मृर्गौला फेल भएर भक्तपुरस्थित मानव अंग प्रत्यारोपण केन्द्रमा डायलोसिस गर्दै आएकी अनिशा लोप्चनलाई काभ्रे सेवा समाज मलेसियाले आर्थिक सहयोग प्रदान गरेको छ ।

काभ्रे जिल्लास्थित खानीखोला गाउँपालिका वडा नं। ४ जगथली निवासी लोप्चनलाई काभ्रे सेवा समाज मलेसियाले कुल २ लाख १४ हजार २ सय ५० रुपियाँ आर्थिक सहयोग प्रदान गरेको हो ।

सोमबार भक्तपुरमा एक कार्यक्रमको आयोजना गरी काभ्रे सेवा समाज मलेसियाले १ लाख ४५ हजार, लेबनानबाट देविका वाईबा र एनआरएन उपाध्यक्ष छविलाल लामिछानेबाट ५९ हजार १ सय ५८, दुबईस्थित कान्छीमाया तामाङबाट ३०१०, दुबईस्थित डोल्मो गोलेबाट ५ हजार, ओमनस्थित रिता ग्लान दोङबाट प्राप्त २ हजार गरी कुल रकम २ लाख १४ हजार २ सय ५० रुपियाँ पीडित लोप्चनको परिवारलाई हन्तान्तरण गरिएको हो ।

पीडित अनिशा लोप्चनकै हातमा खलनायक तथा समाजसेवी विकु थोकर, काभ्रे सेवा समाज मलेसियाका संरक्षक शंकरप्रसाद आचार्य लगायतले उक्त रकम हस्तान्तरण गरेका थिए ।