विराटनगर, असोज २ । उच्च अदालत विराटनगरले साढे ३३ किलो सुन तस्करी प्रकरणमा मुछिएका प्रहरी उपरीक्षक विकासराज खनाललाई साधारण तारेखमा छाड्न आदेश दिएको छ ।मंगलबार न्यायाधीशद्वय नागेन्द्रलाल कर्ण र खिलबहादुर कार्कीको संयुक्त इजलासले खनाललाई छाड्न आदेश दिएको हो ।

घटना अनुसन्धानको छानबिन टोलीले विमानस्थलभित्रका प्रहरीसँग सुनको सेटिङ मिलाउनका लागि प्रहरी उपरीक्षक खनालले दुईपटक गरेर ५० लाख रुपैयाँ लिएको औंल्याएको थियो ।

गत चैतमा सरकारले गठन गरेको उच्चस्तरीय छानबिन टोलीले वैशाख ११ गते खनाललाई पक्राउ गरेको थियो । उच्च अदालत विराटनगरले सुन तस्करीसम्बन्धी मुद्दामै यसअघि इन्स्पेक्टर प्रजित केसी र एसएसपी दिवेश लोहनीलाई साधारण तारेखमा छाड्न आदेश दिएको थियो ।