बनेपा । काभ्रेको बनेपामा बनेपा महोत्सव(२०७५ आयोजना गर्ने भएको छ । बिबिसी क्लवको आयोजनामा महोत्सव हुन लागेको हो । आगामी अशोज ११ गतेदेखि २१ गतेसम्म दशैको अवसर पारेर बनेपा गोदामचोकमा महोत्सव आयोजना गर्न लागेको संस्थका अध्यक्ष महेश कर्मचार्यले पत्रकार सम्मेलनमा बताए ।

महोत्सवमा उटको नृत्यलाई मुख्य आकार्षक केन्द्र मानिएको छ । बनेपा ब्वाईज क्लव बिबिसीले विगतको बर्षहरुमा फुट बल खेलको आयोजना गदै आएका थिए । क्लवले यस वर्ष भने हाम्रो अभियान,खेलको शान, सँस्कृती र समृद्धि बनेपाको पहिचान भन्ने मुल नारा रहने छ ।

क्लवका अध्यक्ष कर्माचार्यद्वारा जारी बिज्ञप्तिमा आगामी अशोज ११ देखि २१ सम्म ११ दिन व्यापारिक, साँस्कृतिक मनोरञ्जनात्मक खेलमेला २०७५ आयोजना हुन लागेको उल्लेख छ ।

महोत्सवमा कृषि, घरेलु सामग्री सहितको १ सय भन्दा बढी ब्यापारिक स्टलहरु रहने छ । दशैँ लक्षित सुपथ मूल्य पसल समेत राखिने बताइएको छ । महोत्सवमा पोखराको थकाली खाना देखि कोरियन प्रविधिबाट बनाइएको विभिन्न खानाका परिकार पनि चाक्न पाइने छ ।