२०८२, ७ भाद्र आईतबार

नेपाल पाकिस्तानसँग पराजित

नेपाल पाकिस्तानसँग पराजित


काठमाडौं, भदौ १९ । साफ च्याम्पियनसिप फुटबलमा नेपालले खराब सुरुआत गरेको छ ।मंगलबार बंगलादेशको राजधानी ढाकास्थित बंगबन्धु अन्तर्राष्ट्रिय रंगशालामा भएको खेलमा नेपाल पाकिस्तानसँग २–१ ले पराजित भएको हो ।खेलको ३४औं मिनेटमा पेनाल्टीमा गोल खाएर पछि परेको नेपालले ८२औं मिनेटमा गोल गरेर बराबरी गरेको थियो । विमल घर्तीमगरले बराबरी गोल फर्काएका थिए ।

तर, खेलको अन्तिम मिनेटमा पाकिस्तानले पुनः गोल हानेपछि नेपाल २–१ ले पराजित हुनपुग्यो ।मंगलबारदेखि सुरु भएको प्रतियोगितामा दक्षिण एसियाली देशका सात टिम सहभागी छन् । नेपाली टिम उपाधि जित्ने लक्ष्यमा रहेको छ ।नेपाल फिफा वरीयतामा १६१औं स्थानमा छ भने पाकिस्तान २०१औं स्थानमा रहेको छ ।

नेपाल रहेको समूह ‘ए’मा बंगलदेश, भुटान र पाकिस्तान छन् । समूह ‘बी’मा भने भारत, श्रीलंका र माल्दिभ्स छन् ।अब नेपालले बिहीबार भुटानको सामना गर्नेछ भने शनिबार आयोजक बंगलादेशको सामना गर्नेछ ।नेपालले अहिलेसम्म साफ च्याम्पियनसिप फुटबलको उपाधि जित्न सकेको छैन ।

साफ च्याम्पियनसिपमा नेपालले खेलका २८ खेलमध्ये ८ खेलमात्र जितेको छ । ४ खेल बराबरीमा सकाएको नेपालले १६ खेलमा हार व्यहोरेको छ ।नेपालले साफ च्याम्पियनसिप फुटबलमा अहिलेसम्म कुल ३३ गोल गर्दा ४५ गोल खाएको छ ।

प्रकाशित मिति : २०७५, १९ भाद्र मंगलबार  ७ : २४ बजे

पाभेल कुमार शाहलाई ‘अन्तर्राष्ट्रिय आइकन अवार्ड २०२५’, मार्सल आर्टमा समर्पणको उच्च सम्मान

काठमाडौं । नेपाल केम्पो खुकुरी फेडेरेसनका अध्यक्ष पाभेल कुमार शाहलाई

सुटकेशभित्र महिलाको शव फेला, रौतहटमा एक सातामै तेस्रो शव भेटियो

रौतहट । रौतहटको गौर–सिरसिया सडकखण्ड अन्तर्गत मुडवालवा मोड नजिक सुटकेशभित्र

लिपुलेक प्रकरणमा भारत–चीन सम्झौता अस्वीकार्य : प्रवासी नेपाली मञ्चको कडा आपत्ति

काठमाडौँ । भारत र चीनबीच लिपुलेक मार्ग प्रयोग गरी व्यापार