काभ्रेको बेथानचोक गाउँपालिकामा जेसिज गठन गरिएको छ । मुक्तिनाथ तिमल्सिनाको अध्यक्षतामा जेसिजको प्रस्तावित कार्यकारिणी समिति गठन गरिएको हो ।

समितिको महासचिव राजदेव तामाङ, कोषध्यक्ष डिगमान तामाङ कानुनी सल्लाहकार राजेश तिमल्सिना, कार्यकारिणी उपाध्यक्ष बलराम बजगाई उपाध्यक्षहरु कमल नेपाल, गोविन्द तिमल्सिना, प्रदिप आचार्य, ज्ञान बहादुर तामाङ र तालिम संयोजकमा रोशन तिमल्सिना रहेका छन् ।
कार्यक्रममा वडा नं २ का वडा अध्यक्ष भगवान घिमिरे, वडा नं ३ का वडा अध्यक्ष दिल बहादुर श्रेष्ठ, पार्वती माविका प्रअ गोविन्द प्रसाद शर्मा, लगायतका स्थानीयले जेसिज गठन भएको खुशी ब्यक्ति गर्दै सफलताको शुभकामना दिएका थिए ।

संस्थाको नियम अनुसार भकुण्डे बेसी जेसिसको मातृत्वमा उक्त जेसिज गठन गरिएको हो । जेसिज गठनको क्रममा भकुण्डे जेसिजका अध्यक्ष रुकमणि सिग्देलको उपस्थिति रहेको थियो ।