काभ्रे जिल्ला भूजेल समाज सेवा समितिको दोस्रो जिल्ला अधिवेशन सकिएको छ । शनिबार बनेपामा भएको अधिवेशनबाट अध्यक्षमा प्रेम बहादुर भूजेल सर्वसम्मत निर्वाचित भएका छन् । त्यस्तै उपाध्यक्षमा इन्द्र कुमारी भूजेल, सचिवमा सुरेश भूजेल, कोषाध्यक्षमा उत्तम भूजेल र सह सचिवमा ध्रुब बहादुर भूजेल सर्वसम्मत निर्वाचित भएका छन् । समितिको सदस्यहरुमा दिल बहादुर भूजेल, गुण बहादुर भूजेल, चिनु भूजेल लगायत सम्पूर्ण सदस्य सर्वसम्मत निर्वाचत भएका छन् । जिल्ला कार्यसमितिमा १५ जना सदस्य छन् ।

भूजेल समाजका केन्द्रिय अध्यक्ष लोक बहादुर भूजेलको प्रमूख आतिथ्यमा भएको मुल कार्य समितिको अधिवेशनकै क्रममा भूजेल विद्यार्थी मञ्च, भूजेल महिला समिति र भूजेल युवा संघको पनि अधिवेशन सम्पन्न भएको छ ।

विद्यार्थी मञ्चको अध्यक्षमा राजन भूजेल, उपाध्यक्षमा यमुना भूजेल, सचिवमा सदिना भूजेल, कोषाध्यक्षमा पुष्पाञ्जली भूजेल र सहसचिवमा सुजना भूजेल सर्वसम्मत निर्वाचित भएका छन् । विवेक भूजेल, कमल भूजेल, निरुपण भूजेल लगायत सदस्यमा निर्वाचित भएका छन् ।

त्यस्तै महिला समितिको अध्यक्षमा सरस्वती भूजेल, बरिष्ठ उपाध्यक्ष्माा रोशनी भूजेल, उपाध्यक्षमा अञ्जना भूजेल, सचिवमा अञ्जना भूजेल र कोषाध्यक्षमा अनुपा भूजेल सर्वसम्मत निर्वाचित भएका छन् । त्यसैगरी सदस्यहरुमा लक्ष्मी भूजेल, गंगा भूजेल, बन्दना भूजेल र ओम कुमारी भूजेल सर्वसम्मत निर्वाचित भएको भूजेल जिल्ला कार्य समितिका नवनिर्वाचित सचिव सुरेश भूजेलले जानकारी दिए ।

पूर्व अध्यक्ष ज्ञान बहादुर भूजेलको अध्यक्षतामा भएको कार्यक्रममा भूजेल समाजका केन्द्रिय सल्लाकार सदस्य बाबुराम भूजेल, केन्द्रिय सचिव राम गोपाल भूजेल, हिलारी बन्धु भूजेल, तृश्नजंग भूजेल लगायतले आफ्नो मन्तब्य राखेका थिए ।