कटुञ्जेबेशी । संयुक्त वाम गठबन्धनले रोशी गाउँपालिकाका अध्यक्ष दलबहादुर लामालाई गाउँपालिको विकास निर्माण र जनजीवीकाका विभिन्न विषयहरुको उठान गर्दै ध्यानाकर्षस्वरुप ज्ञापनपत्र बुझाएको छ । गत आइतबार गाउँपालिकाको सभाकक्षमा नेकपा माओवादी केन्द्र रोशीका नेता उज्ज्वलद्वारा वाचन गरिएको ज्ञापनपत्र एमाले रोशीका नेता दिलिप तामाङले गाउँपालिका अध्यक्ष डीवी लामालाई बुझाएका थिए ।

गाउँ पालिका अध्यक्ष डीवी लामाले ज्ञापनपत्रलाई ग्रहण गर्दै यसको वुँदागत अध्ययन गर्दै कार्यान्वयन गर्ने प्रतिवद्धता ज्ञापनपत्र हस्तान्तरण कार्यक्रममा सहभागी संयुक्त वाम गठबन्धनका नेता कार्यकर्ताहरुलाई सम्बोधनका साथ गरेका थिए । ज्ञापन पत्र हस्तान्तरण कार्यक्रममा वाम गठबन्धनका नेता कार्यकर्ताहरुको उल्लेख्य सहभागिता रहेको थियो । गठबन्धनको तर्फबाट दिलिप तामाङ, उज्ज्वल लामा, विकास लामा लगायतको हस्ताक्षर रहेको ज्ञापनपत्रलाई गाउँपालिका अध्यक्ष डीवी लामाले कार्यकारी अधिकृतलाई गाउँ कार्यपालिकामा पेश गराउन आदेश गरेका थिए ।