जिल्ला समन्वय समिति काभ्रेकी उपप्रमूख मञ्जु गौतमले निर्वाचित जनप्रतिनिधिहरु जनताको हरेक सःख, दुःखमा साथै रहनुपर्ने बताएकी छिन् । उनले कार्यालय समय बाहेक पनि जनप्रतिनिधिहरुबाट जनताले सेवा पाउनु पर्ने बताइन् । कर्मचारीको जस्तो निश्चित समय मात्रै काम गर्नेु पर्छ भन्ने मानसिकता त्याग्नु पर्ने भन्दै जनताले खोजेको बेलामा भेट्न पाउनुपर्ने उनको भनाई छ ।

शुक्रबार धुलिखेलमा सामुदायिक सारथी नामक एक गैरसकारी संस्थाको कार्यक्रममा उनले सबै कुरामा आफु अब्बल र जान्ने छु भन्ने मान्यता नलिन समेत जनप्रतिनिधिहरुलाई आग्रह गरिन् । “हामी देश सञ्चालनको नयाँ अभ्यास गरिरहेका छौँ, पहिलेको जस्तो अवस्था छैन, उनले भनिन् “नजानेको कुरा सिक्ने र ब्यवहारमा लागु गर्नुपर्छ ।” साथै उनले भूकम्पप्रभावितहरुको समस्या समाधानको जिम्मा जनप्रतिनिधिहरुलाई सुम्पन खोजेर पुननिर्माण प्राधिकरण पञ्छिन खोजेको आरोप समेत लगाइन् । “सुरुमा राज्यले के भनेर सम्झौता गरेको थियो, सम्झौता पालना नभए त्यहि अनुसार कारबाहि गरोस, उनले भनिन्, “जनप्रतिनिधिको काधमा समस्या थुपारेर प्राधिकरण उम्कन मिल्दैन् ।”

सारथीले अहिले जिल्लाको रोशी गाँउपालिका र पनौती नगरपालिकामा पारस्पारिक जवाफदेहिता परियोजना सञ्चालन गरिरहेको छ । यी दुई स्थानीय तहमा भूकम्पप्रभावितको गुनासो सम्बोधनका लागि गुनासो ब्यवस्थापन समिति गठन, सुशासन प्रबद्र्धन समिति निर्माण, वडाध्यक्ष देखि गाउँपालिका र नगरपालिकाका प्रमूख, उपप्रमूखलाई सुशासन र जवाफदेहिताका बारे आवश्यक सहयोग गर्दै आएको परियोजनाका जिल्ला संयोजक राजाराम गौतमले जानकारी दिए ।