जिल्लाको दक्षिणी भेगलाई लक्षित गरी साँस्कृतिक नगर पनौतीमा यामाहाको आधिकारिक बिक्री एवम् सर्भिस प्वइन्ट सञ्चालनमा ल्याइएको छ ।

सर्भिस प्वइन्टको पनौती नगरपालिकाकी उप मेयर गीता बञ्जाराले उद्घाटन गरेकी छिन् । पनौती ४ बसपार्कमा सर्भिस प्वइन्ट शुरु भएसँगै पनौती, खोेपासी, ढुंखर्क, शंखु कुशादेवी र आसपासका मोटरसाइकल धनीहरुलाई स्तरीय स्पेयर पार्टस, सेवा र सुविधामा सहयोग पुग्ने बताइएको छ ।

कार्यक्रममा आरएमसी सेल्स डिभिजन रिजनल मेनेजर हरि बाँस्कोटा, एएसएम सेल्स एमएडब्ल्यु रोशन कार्की, एएसएम सर्भिस एमएडब्ल्यु निर्मल कार्की, एएसपी डेभलपमेण्ट मेनेजर मियाज अहमदले अब पनौती भेगमै बाइक खरिद गर्दाको फ्रि सर्भिस सेवा, कम्पनीको लागू हुने स्कीम, यामाहाको जेन्युइन पार्टस, एक्सचेञ्ज र फाइनान्स पनौतीबाट हुने कुरा ग्राहकहरुलाई बताए ।