बनेपा नगरपालिका वडा नम्बर ६ को वडा कार्यालयले आफ्नो सिमाभित्र अरनिको राजमार्ग अतिक्रमण गरी बनेका संरचना हटाउन सम्बन्धित सबैलाई पत्रचार गरेको छ ।

वडाध्यक्ष सचितानन्द के.सीले आफ्नो वडाभित्र पर्ने अरनिको राजमार्ग अतिक्रमण गर्ने कोहि पनि कानुनी दायराबाट उम्किन नदिन पत्रचार गरेको बताएका छन् । खबरघर अनलाईसँग कुरा गर्दै वडाध्यक्ष केसीले भने ‘कानुनको धर्जी उडाएर केहि हार्डवेयर र वर्कशवले राजमार्ग अतिक्रमण गरिरहेका छन्, म त्यस्तो कार्य कदापी सहन सक्दिन ।’सोमबार बनेपा नगरपालिकाका इन्जिनियर ल्याएर राजमार्गको सिमा छुट्याउने र त्यसको सात दिनभित्र अतिक्रम गरेर बनेका सबै संरचनामा हटाउन पत्र पठाएको वडाध्यक्ष केसीले जानकारी दिए ।

नगरपालिकाकै सौन्दर्य बिगार्ने गरी निहित स्वार्थ बोकेका ब्यवसायीहरुले राजमार्गमा हस्तपेक्ष गरेको भन्दै उनले कानुनी दायरामा ल्याउने दाबी गरे । यसका लागि सरोकारवाला निकायसँग छलफल भइसकेको भन्दै राजमार्ग, खोला खोल्छी अतिक्रमण गर्ने सबै कानुनको भागीदार हुने उनको भनाई छ । अरनिको राजमार्ग अन्तर्गत धुलिखेलसँग सिमा जोडिएको बनेपा नगरपालिकाको खहरे खोला देखि चण्डेश्वरी खोलासम्म अतिक्रमणको चपेडामा परेको छ । जहाँ राजेश हार्डवेयर जस्ता ठूला ब्यवसायीले बर्षौ देखि खोलानै थुनेर हार्डवेयर पसल सञ्चालन गरिरहेको छ ।

पानी बग्ने राजकुलो खहेर खोला थुनेर राजेश हार्डवेयरले बनाएको संरचनाका कारण बर्खाका बेला सर्वसाधारणको खेत डुवानमा पर्दै आइरहेको छ । यति मात्रै होइन उक्त हार्डवेयरकै कारण अरनिको राजमार्ग समेत बर्खाका बेला बत्कने गरेको छ । त्यस्तै वडाध्यक्ष केसीको यरियामा दर्जनभन्दा बढी वर्कशप सञ्चालनमा छन् ।

जुन सडक अतिक्रमण गरी बनेका छन् । ‘सडक भनेको राज्यको सम्पत्ति हो, उनले भने ‘यसको अतिक्रमण गर्ने होइन संरक्षण गर्नेमा हामी अग्रसर हुनुपर्छ, म त्यो काम गर्न तयार छु ।’

बुडोल ओरालोमा रहेको वर्कशप