काठमाण्डौँ÷हिजो साझँ साढे सातबजे देखि सुरु भएको काभ्रेको मतणना अहिले पनि जारी छ । राति अबेरसम्म बाम गठबन्धनका उम्मेदवारले अग्रता कायम गरेका थिए । तर विहानीको मिरमिरेसँगै प्रतिनिधिसभा निर्वाचन क्षेत्र नम्बर १ मा तीर्थ लामाले बाम गबन्धनका गंगा बहादुर दोङ लाई उछिनेका छन् ।

लामाले ६४४५ मत प्राप्त गरेका छन् भने दोङले ६३९३ मत पाएका छन् । त्यस्तै सोहि निर्वाचन क्षेत्रको प्रदेशसभा (ख) मा बाम गठबन्धनका चन्द्र लामालाई गणेश लामाले उछिनेका छ । गणेशले ४४६४ मत प्राप्त गर्दा चन्द्रले ३७४५ मत ल्याएका छन् । त्यसैगरी प्रदेश क मा बामगठबन्धनका रत्न ढकाल फराकिलो मतान्तरका साथ अघि बढीरहेका छन् । ढकालले ५५६९ र सिबी लामाले ३२१५ मत प्राप्त गरेका छन् ।

काभ्रेको प्रतिनिधिसभा निर्वाचन क्षेत्र २ मा भने बाम गठबन्धनका उम्मेदवार गोकुल बास्कोटा निकै अघि देखिएका छन् । उनीले काँग्रेसका उम्मेदवार मधुप्रसाद आचार्यलाई सुरु देखि नै पछि पादै आइरहेका छन् । बास्कोटाले ७५९९ र आचार्यले ५१३४ मत प्राप्त गरेका छन् ।

साहित निर्वाचन क्षेत्रको प्रदेशसभा ख मा बामगठबन्धनका उम्मेदवार बसुन्धरा हुमार्गाईले ३७५० मत प्राप्त गरेका छन् । काँग्रेस उम्मेदवादर कञ्चनचन्द्र बादेले ३२०० मत प्राप्त गरेका छन् । त्यसैगी प्रदेशसभा क मा लक्ष्मण लम्सालले पनि अग्रता कायमै राखेका छन् । उनले ४११० र काँग्रेस उम्मेदवार सुन्दरमणि आचार्यले २०२४ मत प्राप्त गरेका छन् ।