२०८३, १ मंसिर मंगलबार

कांग्रेसको पालिका अधिवेशन आज, नेतृत्वका लागि तीव्र रस्साकस्सी

कांग्रेसको पालिका अधिवेशन आज, नेतृत्वका लागि तीव्र रस्साकस्सी


काठमाडौं । नेपाली कांग्रेसको १५औँ महाधिवेशनअन्तर्गत आज देशभर पालिका अधिवेशन हुँदैछ। वडा अधिवेशनपछि अब पालिका नेतृत्व कब्जाका लागि स्थानीय तहमा आन्तरिक प्रतिस्पर्धा र रस्साकस्सी तीव्र बनेको छ।

अधिकांश वडामा नेतृत्व चयन सम्पन्न भइसके पनि कतिपय स्थानमा सहमति जुटाउन कठिन भएको र प्रतिस्पर्धा पेचिलो बनेको कांग्रेसकै निर्वाचन प्रक्रियासँग जोडिएका नेताहरू बताउँछन्। विशेषगरी पालिका सभापति र पदाधिकारीका आकांक्षीबीचको समूहगत प्रतिस्पर्धाले अधिवेशनलाई थप चासोको विषय बनाएको छ।

कांग्रेस केन्द्रीय निर्वाचन समितिका अनुसार बाढीपहिरो प्रभावित नुवाकोट र धादिङका सबै वडामा मंगलबार अधिवेशन सम्पन्न भएको छ। मधेश प्रदेशका सिरहा, सप्तरी, सर्लाही र पर्साका केही वडामा पनि अधिवेशन सकिएको छ।

बाढीपहिरोबाट ठूलो क्षति भएको रसुवामा भने विशेष परिस्थितिका कारण पालिका अधिवेशन केही दिनपछि गर्ने तयारी गरिएको निर्वाचन समितिका सदस्य सचिव राजु कटुवालले जानकारी दिएका छन्।

नयाँ विधान तथा निर्वाचन निर्देशिकाअनुसार आज हुने अधिवेशनबाट प्रत्येक पालिकामा पाँच पदाधिकारी निर्वाचित हुनेछन्। एक सभापति, एक महिलासहित दुई उपसभापति, एक सचिव र एक सहसचिव चयन हुनेछन्। कोषाध्यक्ष भने सभापतिले निर्वाचित कार्यसमिति सदस्यमध्येबाट मनोनयन गर्ने व्यवस्था छ।

यसअनुसार देशभरका पालिकाबाट ३ हजार ७६५ जना पदाधिकारी नेतृत्वमा आउनेछन्। पालिका तहको नेतृत्व चयनले आगामी महाधिवेशनका लागि कांग्रेसभित्रको शक्ति सन्तुलनमा समेत प्रभाव पार्ने भएकाले आजको अधिवेशनलाई महत्वका साथ हेरिएको छ। सहमति जुट्ने स्थानमा सर्वसम्मत नेतृत्व आउनेछ भने प्रतिस्पर्धा भएका पालिकामा निर्वाचनमार्फत नेतृत्व छानिनेछ।

पालिका नेतृत्वका लागि देखिएको समूहगत प्रतिस्पर्धा, आकांक्षीको बढ्दो संख्या र स्थानीय तहमा प्रभाव जमाउने होडका कारण कतिपय स्थानमा अधिवेशन थप पेचिलो बन्ने देखिएको छ।

प्रकाशित मिति : २०८३, ६ आश्विन बुधबार  ९ : ०२ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा