२०८३, ३० कार्तिक सोमबार

बाढीपीडितका लागि कांग्रेस काभ्रेको दरिलो साथ, १७ लाख ६२ हजार सहयोग हस्तान्तरण

बाढीपीडितका लागि कांग्रेस काभ्रेको दरिलो साथ, १७ लाख ६२ हजार सहयोग हस्तान्तरण


काभ्रे । भोटेकोशीमा आएको विनाशकारी बाढीबाट प्रभावित नागरिकको उद्धार तथा राहतका लागि नेपाली कांग्रेस काभ्रेले १७ लाख ६२ हजार ९५७ रुपैयाँ आर्थिक सहयोग जुटाएको छ।

जिल्ला सभापति तीर्थ लामाको नेतृत्वमा कांग्रेस काभ्रेले नेता, कार्यकर्ता तथा जनप्रतिनिधिबाट संकलन गरेको रकम सोमबार पार्टी कार्यालयमा हस्तान्तरण गरिएको हो।

संकलित रकम कांग्रेसका सहमहामन्त्री उदयशमशेर राणा, प्रवक्ता देवराज चालिसे र केन्द्रीय सदस्य उज्ज्वल बराललाई हस्तान्तरण गरिएको छ। रकम हस्तान्तरण कार्यक्रममा काभ्रेका जनप्रतिनिधि, नेता तथा कार्यकर्ताको उल्लेख्य सहभागिता रहेको थियो।

बाढीबाट प्रभावित नागरिकलाई विपद्को घडीमा तत्काल राहत र उद्धारमा सहयोग पुगोस् भन्ने उद्देश्यले रकम संकलन गरिएको जिल्ला सभापति लामाले बताए।

कांग्रेस काभ्रेले संकलन गरेको सम्पूर्ण रकम नेपाली कांग्रेसको तर्फबाट नेपाल सरकारको विपद् कोषमा जम्मा गरिने जिल्ला सचिव गुणराज मोक्तानले जानकारी दिए।

भोटेकोशी बाढीले ठूलो मानवीय तथा भौतिक क्षति पुर्‍याएपछि प्रभावितको उद्धार, राहत र पुनःस्थापनाका लागि विभिन्न क्षेत्रबाट सहयोग जुटिरहेको छ। यही क्रममा कांग्रेस काभ्रेले पनि प्रभावित नागरिकको राहतका लागि आर्थिक सहयोग जुटाएको हो।

प्रकाशित मिति : २०८३, १४ भाद्र सोमबार  १२ : ४४ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा