काठमाडौँ । बागमती प्रदेशका मुख्यमन्त्री इन्द्रबहादुर बानियाँले आज प्रदेशसभाबाट विश्वासको मत लिँदैछन्। सोमबार दिउँसो १ बजे बस्ने प्रदेशसभाको बैठकमा उनले विश्वासको मत लिने कार्यसूची छ।

सरकारमा सहभागी नेकपा एमालेले गत ६ साउनमा समर्थन फिर्ता लिएपछि मुख्यमन्त्री बानियाँ अल्पमतमा परेका हुन्। सरकार टिकाउन अब उनलाई अन्य दलको समर्थन जुटाउनुपर्ने बाध्यता छ।

११० सदस्यीय बागमती प्रदेशसभामा सरकार गठनका लागि ५३ सांसदको समर्थन आवश्यक हुन्छ। कांग्रेस ३६ सिटसहित सबैभन्दा ठूलो दल रहे पनि एक्लै बहुमत पुग्दैन।

प्रदेशसभामा नेकपाका २६, एमालेका २५, राप्रपाका १२, नेमकिपाका ३ र हाम्रो नेपाली पार्टीका २ सांसद छन्। त्यसैले मुख्यमन्त्री बानियाँको सरकार जोगाउने वा नयाँ राजनीतिक समीकरण बन्ने भन्ने विषयमा आजको विश्वासको मत निर्णायक बन्ने देखिएको छ।