२०८३, १ मंसिर मंगलबार

पाँच महिनापछि स्वदेश फर्किए देउवा, विमानस्थलमा बाजागाजासहित भव्य स्वागत

पाँच महिनापछि स्वदेश फर्किए देउवा, विमानस्थलमा बाजागाजासहित भव्य स्वागत


काठमाडौं । पूर्वप्रधानमन्त्री तथा नेपाली कांग्रेसका निवर्तमान सभापति शेरबहादुर देउवा पाँच महिनापछि स्वदेश फर्किएका छन्।

उपचारका क्रममा लामो समय विदेशमा रहेका देउवा बिहीबार हङकङबाट थाइल्याण्ड हुँदै काठमाडौं आइपुगेका हुन्। उनी केहीबेरअघि त्रिभुवन अन्तर्राष्ट्रिय विमानस्थलमा अवतरण गरेका थिए। देउवालाई विमानस्थलमा कांग्रेसका शीर्ष नेतासहित नेता–कार्यकर्ताले बाजागाजासहित स्वागत गरेका छन्। स्वागत गर्न पूर्वउपसभापति पूर्णबहादुर खड्का, नेता शशांक कोइराला, विमलेन्द्र निधि, कृष्णप्रसाद सिटौला, ज्ञानेन्द्रबहादुर कार्की, मोहनबहादुर बस्नेत, मीनबहादुर विश्वकर्मा, जितजंग बस्नेत, कान्तिका सेजुवाल र ईश्वरी न्यौपाने लगायत विमानस्थल पुगेका थिए।

देउवा गत फागुनदेखि उपचारका सिलसिलामा सिंगापुर र हङकङमा रहँदै आएका थिए। स्वास्थ्य उपचार पूरा गरेपछि उनी नेपाल फर्किएका हुन्। देउवा स्वदेश फर्किएसँगै कांग्रेसभित्र पनि उनको आगामी राजनीतिक सक्रियतालाई लिएर चासो बढेको छ। लामो समय विदेशमा रहेका निवर्तमान सभापति देउवाको नेपाल आगमनलाई पार्टीका नेता–कार्यकर्ताले विशेष महत्त्वका साथ लिएका छन्।

यसअघि बूढानीलकण्ठस्थित देउवा निवासमा गत भदौ २४ गते आगजनी भएको थियो। उक्त घटनाका क्रममा देउवा दम्पतीमाथि कुटपिटसमेत भएको थियो। त्यसपछि देउवा परिवारले महाराजगञ्जमा घर भाडामा लिएर बस्दै आएको छ। पाँच महिनापछि स्वदेश फर्किएका देउवा अब पार्टीका नेता–कार्यकर्तासँगको भेटघाट र राजनीतिक गतिविधिमा कसरी सक्रिय हुन्छन् भन्ने विषयलाई चासोका साथ हेरिएको छ।

प्रकाशित मिति : २०८३, २७ श्रावण बिहीबार  १ : ५० बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा