काठमाडौं । सरकारी स्वीकृति नलिई जिपिएस उपकरणलाई ‘सरकारी मान्यता प्राप्त’ भन्दै बिक्री गर्ने एक युवक पक्राउ परेका छन्।
काठमाडौं उपत्यका अपराध अनुसन्धान कार्यालयको टोलीले रौतहटका २९ वर्षीय दिपेन्द्र कर्माचार्यलाई पक्राउ गरेको हो।प्रहरीका अनुसार कर्माचार्यले व्यापारिक प्रयोजनका लागि बिक्री गरिने जिपिएस उपकरणमा सरकारी निशान छाप प्रयोग गरेका थिए। उनले ती उपकरण सरकारी मान्यता प्राप्त भएको भन्दै प्रचारसमेत गरेको आरोप छ।
प्रहरीले उनको साथबाट ५२ वटा जिपिएस उपकरण बरामद गरेको छ। पक्राउ परेका कर्माचार्यलाई थप अनुसन्धानका लागि जिल्ला प्रहरी परिसर, काठमाडौं पठाइएको प्रहरीले जनाएको छ।
प्रतिक्रिया