२०८३, ३० कार्तिक सोमबार

‘दोहोरो मापदण्ड बन्द गर, कि माफी माग कि राजीनामा देउ’: सरकारमाथि शंकर पोखरेलको कडा प्रहार

‘दोहोरो मापदण्ड बन्द गर, कि माफी माग कि राजीनामा देउ’: सरकारमाथि शंकर पोखरेलको कडा प्रहार


काठमाडौँ। नेकपा (एमाले) का महासचिव शंकर पोखरेलले वर्तमान सरकारको दोहोरो चरित्र र प्रतिशोधपूर्ण राजनीतिमाथि कडा प्रहार गर्नुभएको छ। राज्य सत्ताको दुरुपयोग गर्दै विपक्षीलाई एउटा कानुन र आफूलाई अर्को कानुन लागू गर्ने सरकारको रवैया अब स्वीकार्य नहुने चेतावनी उहाँले दिनुभएको छ।

कोशी र मधेश प्रदेशका विभिन्न जिल्लामा हालै प्रहरी प्रशासनमार्फत भएका हत्या र हिंसात्मक घटनाप्रति लक्षित गर्दै महासचिव पोखरेलले वर्तमान प्रधानमन्त्री र गृहमन्त्रीको कडा आलोचना गर्नुभयो। विगतमा भदौ २३–२४ को घटनालाई भजाएर तत्कालीन प्रधानमन्त्री केपी शर्मा ओली र तत्कालीन गृहमन्त्री रमेश लेखकलाई पक्राउ गर्नुपर्छ भन्दै हल्ला पिट्नेहरूले अहिले आफ्नै पालामा भएका हत्या र हिंसाको जवाफ दिनुपर्ने उहाँको भनाइ छ।

सरकारको दोहोरो मापदण्डमाथि प्रहार गर्दै महासचिव पोखरेलले भन्नुभयो:

“गत भदौ २३–२४ को घटनामा सुरक्षा निकायले गरेको बल प्रयोगको राजनीतिक जिम्मेवारी भन्दै तत्कालीन प्रधानमन्त्री र गृहमन्त्रीलाई पक्राउ गर्न मिल्छ भने, हाल कोशी र मधेशमा प्रहरीमार्फत भएका हत्या र हिंसात्मक घटनाको नैतिक र राजनीतिक जिम्मेवारी वर्तमान प्रधानमन्त्री र गृहमन्त्रीले किन नलिनु? शासन सत्तामा दोहोरो मापदण्ड कुनै हालतमा स्वीकार्य हुँदैन।”

महासचिव पोखरेलले वर्तमान सरकारलाई सोझै दुईवटा विकल्प रोज्न चुनौती दिनुभएको छ:

  • विगतको कदम गलत थियो भनेर जनतासामु सार्वजनिक रूपमा माफी माग्ने,
  • अथवा, वर्तमान घटनाको नैतिक तथा राजनीतिक जिम्मेवारी लिँदै तुरुन्त राजीनामा दिएर निष्पक्ष कानुनी प्रक्रिया सामना गर्न बाटो खुला गर्ने।

आफू सत्तामा हुँदा राज्यको शक्ति दुरुपयोग गरी नागरिकको ज्यान लिने र अरूलाई भने कानुनको धम्की दिने वर्तमान सरकारको राजनीतिक चरित्र नांगिएको भन्दै पोखरेलले एमाले यस्तो दोहोरो चरित्रको सामुन्ने चुप लागेर नबस्ने स्पष्ट पार्नुभएको छ।

प्रकाशित मिति : २०८३, १९ श्रावण बुधबार  ३ : ३७ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा