काठमाडौँ । प्रतिनिधिसभा को बैठक आज बिहान ११ बजे सिंहदरबार मा बस्दैछ । बैठकमा निर्वाचन, मतदाता नामावली, विधि विज्ञान तथा विकास वित्तसँग सम्बन्धित विभिन्न विधेयकमाथि छलफल र निर्णय गर्ने कार्यसूची तय गरिएको छ ।

बैठकमा सोबिता गौतम ले प्रधानमन्त्री तथा गृहमन्त्री एवम् विज्ञान प्रविधि तथा नवप्रवर्तन मन्त्री बालेन शाह को तर्फबाट ‘प्रतिनिधि सभा सदस्य निर्वाचन (पहिलो संशोधन) विधेयक, २०८३’ माथि विचार गरियोस् भन्ने प्रस्ताव प्रस्तुत गर्नेछिन् ।

त्यसैगरी, ‘मतदाता नामावली (पहिलो संशोधन) विधेयक, २०८३’ र ‘राष्ट्रिय विधि विज्ञान प्रयोगशाला (स्थापना र सञ्चालन) विधेयक, २०८१’ माथि पनि विचार गरियोस् भन्ने प्रस्ताव बैठकमा पेश हुने कार्यसूची रहेको छ ।

यस्तै, डा. स्वर्णिम वाग्ले ले ‘वैकल्पिक विकास वित्त परिचालन विधेयक, २०८२’ माथिको दफावार छलफल गरियोस् भन्ने प्रस्ताव पेश गर्नेछन् । उक्त विधेयकमाथि दर्ता भएका संशोधन प्रस्तावहरू निर्णयार्थ प्रस्तुत गरिनेछ ।

बैठकमा अर्थमन्त्री वाग्लेले ‘वैकल्पिक विकास वित्त परिचालन विधेयक, २०८२’ पारित गरियोस् भन्ने प्रस्तावसमेत पेश गर्ने कार्यसूची रहेको संसद सचिवालयले जनाएको छ ।