दाङ । राजपुर गाउँपालिका–४ मोतीपुरमा सामुदायिक वनको काठ लिने विषयमा भएको विवादले उग्र रूप लिँदा एक जनाको हत्या भएको छ।
स्थानीय ५५ वर्षीय भोला यादव को शनिबार दिउँसो बञ्चरो प्रहारबाट मृत्यु भएको प्रहरीले जनाएको छ।
प्रारम्भिक अनुसन्धानअनुसार सोही गाउँका इश्वर हरिजन ले रामजानकी सामुदायिक वन क्षेत्रबाट काठ लिने विषयमा भएको विवादका क्रममा यादवमाथि बञ्चरो प्रहार गरेका थिए। टाउकोमा गम्भीर चोट लागेका यादवको घटनास्थलमै मृत्यु भएको बताइएको छ।
घटनापछि आरोपी फरार रहेका छन् भने प्रहरीले खोजी कार्य तीव्र बनाएको जनाएको छ। घटनाबारे थप अनुसन्धान भइरहेको प्रहरीले जानकारी दिएको छ।
प्रतिक्रिया